వెండిచీర:

ఈ ఉదయము అట్లాంటా నగరము వెండి చీరను సింగారించుకుంది-
హరి నివాస పాలసంద్రము పొంగిపొరలి వచ్చినట్లుంది-
కైలాసపు హరుని శిరస్సు నుంచి జాలువారిన గంగ హిమమును తోడు తెచ్చుకున్నట్లుంది-

మార్గశిర పౌర్ణమి వెన్నెలలు తెరలు తెరలుగా పరుచుకున్నట్లుంది-

పండు ముతైదువ పండుగకోసం వరిపిండి ఆరబోసినట్లుంది-

మల్లెల వనమంతా ఓక్కసారిగా గుప్పున విచ్చికున్నట్లుంది-

పత్తి పంటకాపుకొచ్చినట్లుంది-

కుండలోని గడ్డపెరుగు గలగల నవ్వినట్లుంది-

ఆకులురాలిన చెట్లను మంచు ఏంజిల్స వచ్చి పరామర్శించినట్లుంది-

ఆకాశము నుంచి హంసలు బారులు బారులుగా స్వర్గం నుంచి దిగి వస్తున్నట్లుగా వుంది-

జలజలా కురుస్తోంది ఈ తుషారపు జల్లు

అవనంతా పరచుకుంది ఈ శ్వేతపు హరివిల్లు.

అట్లాంటా నగరము వెండి చీరను సింగారించుకుంది ఈ ఉదయము-