పోపులడబ్బా

అమ్మ పోపులడబ్బా
పురాతనమైనది…
ఇత్తడి ఆ పోపులడబ్బా
సర్వరంగులను నింపుకొని
కుటుంబానికి ఆరోగ్యాన్ని ఆనందాన్నీ అందించేది. 

అమృతమయమైన అమ్మ వంటకు ఆ పోపులడబ్బా ముక్తాయింపు ఇవ్వవలసినదే. 
ధనియాల సుగంధముతో
ఇంగువ గుభాళింపుతో వంటగది తోపాటు ఇల్లంతా ఒక రకమైన దేశీయ జ్ఞాపకాలతో నిండి వుండటానికి పోపులడబ్బా యే కారణం. , 
ఎరుపు, ముదురు , నలుపు, తెలుపుల రంగులతో కలసిన మిశ్రమం జీవితంలోని సర్వ సమస్యలకు సమాధానము ఆ పోపులడబ్బా. 

అక్కయ్య బుగ్గమీద మొటిమకు,
సుమంగళిల గుర్తుకు పసుపు ఆ పోపులడబ్బానుంచే అందుకోవటం. 
ఇంట్లో ఎవరకు అజీర్తి అన్నా
కడుపునొప్పి వచ్చినా,
ఆ పోపులడబ్బాలోంచి వాము తీసుకోవాల్సిందే. 
తమ్మడి కి జలుబు చేసినా ఆ పోపులడబ్బానే ఆశ్రయిస్తారు. 
తాతయ్య దగ్గుకు ఆ పోపుల డబ్బా మిరియాలే సమాధానము

అమ్మ ఆ డబ్బాలో ఎంత దాచేదో కానీ,
ఉదయము కూరల నుంచి, బయట అమ్మొచ్చిక ఐసుపూటుకీ వరకూ అదో అక్షయపాత్రలా అందరికీ అందిచ్చేది చిల్లర. 
చివరాకరన చిల్లర కావాలంటే మా నాన్నకు సైతం అమ్మ పోపులడబ్బానే గతి. 

సప్త రంగుల మిశ్రమం ఆ పోపులడబ్బా. 
భారతీయ జీవితానికి దర్పణం ఆ పోపులడబ్బా
ఆరోగ్యభీమా లాంటి పోపులడబ్బా మా దాకా వచ్చాక రూపు మార్చుకుంది……
మాదాక వచ్చేలోకా రూపు మారింది….